Kyzylorda-News.kz

 

    Қазанғап атындағы Қызылорда музыкалық колледжі жанындағы балалар музыка мектебінің оқушылары Эстонияда өткен халықаралық ән байқауынан жүлделі оралды.

    Бүгін «Сыр Медиа» ЖШС жанындағы облыстық коммуникация орталығының брифингінде мектеп оқытушысы Аруна Ибраева қуанышты жаңалықпен бөлісті. Халықаралық дода эстондық эстрада және опера әншісі, СССР-дің халық артисі Георг Отстың 96 жылдығына орай ұйымдастырылған. Академиялық ән жанрында бақ сынаған Ақнұр Мұсабаева, Абылай Өтегенов және Ғалымжан Болатбек өз жас шамалары бойынша тиісінше І, ІІ, ІІІ орындарды иеленді. Аруна «Жас дарын» деген номинацияға лайық деп танылды.
    -    Олар ескі арияларды, қазақтың халық әндерін, Георг Отстың туындыларын орындауға тиіс болды. Ресейлік балалар мықты қарсылас екендіктерін көрсетті, - деді талантты балғындардың жетекшісі.
    Назерке САНИЯЗОВА