Kyzylorda-News.kz

 

    Халықаралық әйелдер күні мерекесі қарсаңында «Қазақстан темір жолы» АҚ-ы көп балалы аналар үшін «Тұлпар-Тальго» пойызымен жүруге жеңілдіктер енгізеді, деп хабарлайды Қазақпарат компанияның баспасөз қызметіне сілтемемен.
    «Алты және одан да көп бала тапқан «Алтын алқа» және «Күміс алқа» медальдарымен марапатталған  аналарға арнап «Ардақты ана» дисконтты картасы шығарылды», делінген хабарламада.
    Егер «Тұлпар-Тальго» пойызымен жол жүретін болса «Ардақты ана» дисконтты картасы бар жолаушы 30 пайыздық жеңілдікке ие болады.
    Айта кетерлігі, «Тұлпар-Тальго» пойыздарына билетті сатып алу мерзіміне (пойыздың жүруіне қанша күн қалғанына) байланысты  қосымша 40 пайызға дейін жеңілдіктер жарияланған. Ендеше «Ардақты ана» дисконтты картасы бар жолаушы билетті алдын ала сатып алса 70 пайызға дейін жеңілдік ие болады.
    Жеңілдіктер жүйесі «Тұлпар-Тальго» пойыздарының төмендегі бағыттарында қарастырылған:  №1/2 «Алматы-Астана», №19/20 «Астана-Атырау», №49/50 «Алматы-Ақтөбе», №67/68 «Астана-Защита», №69/70 «Алматы-Защита», №79/80 «Астана-Шымкент», №87/88 «Астана-Ақтөбе», №89/90 «Астана-Қызылорда», №701/702 «Алматы-Петропавл».
    Еске сала кетсек, елімізде 242 мыңнан астам «Алтын алқа», «Күміс алқа» медальдарымен марапатталған аналар бар.