Kyzylorda-News.kz

 

    "Ақтөбе облысының жастар саясаты мәселелері басқармасы" ММ-сі 2016 жылғы ақпан айының 26-28 күндері аралығында Ақтөбе қаласында Қазақстан Республикасы Тәуелсіздігінің 25 жылдығына арналған "Болашаққа 25 қадам" атты мерекелік науқаны аясында "Болашақтың 25 идеясы" атты ашық республикалық пікірсайыс турнирін ұйымдастырған болатын. Аталмыш турнирге Қызылорда қаласынан студенттер лигасына 9 фракция, оқушылар лигасына 7 фракция қатысты.
    «Тұңғыш Астана» фракциясы, яғни Қорқыт ата атындағы ҚМУ студенті Нұрсұлтан Есеналиев және «Болашақ» университетінің студенті Перизат Несіпбаева жүлделі бірінші орын иегері атанды. Бүгін Қызылорда облысының Өңірлік коммуникация орталығында жүлдегерлер өздерінің қуаныштарымен бөлісіп брифинг өткізді. Аталмыш турнирге еліміздің түпкір-түкпірінен 34 студенттің және 32 мектептік топтар қатысқан.
    Айта кетейік, турнирдің негізгі мақсаты жастар арасынан шешендік шеберлігі бар, өзінің көзқарасын, өз командасының мүддесін сауатты және нақты қорғай алатын жас көшбасшыларды іздеу және оларға қолдау қөрсету, нақты мәселелерді шешу жолдары мен механизмдерін қалыптастыру, жастардың логикалық ойлау қабілетін дамыту және ҚР Тәуелсіздігінің 25 жылдығын атап өту болып табылады.