Kyzylorda-News.kz

 

    Қазақстан аумағының басым бөлігінде ауа райы ашық болады, елдің батысы мен солтүстік-батысында ғана атмосфералық ағындардың өтуімен жауын-шашынды, көктайғақ болады.
    Қазгидрометке сілтеме жасап Қазақпараттың хабарлауынша, Алматы облысында кей жерлерде жел 15-20 м/с-қа, Жалаңашкөл ауданында - ұйтқуы 30 м/с-қа дейін жетеді. Жамбыл облысында кей жерлерде жел 19-24 м/с-қа дейін күшейеді, түнде - тұман түседі.
    Ақмола, Батыс Қазақстан облыстарында кей жерлерде тұман түседі, көктайғақ болады, күндіз жел 15-20 м/с-қа дейін күшейеді. Қостанай облысында кей жерлерде тұман түседі, көктайғақ болады, жел 18 м/с-қа дейін күшейеді. Оңтүстік Қазақстан облысында кей жерлерде желдің екпіні 15-20 м/с-қа жетеді. Атырау облысында кей жерлерде тұман түседі, көктайғақ болады.
    Маңғыстау, Ақтөбе, Солтүстік Қазақстан, Шығыс Қазақстан облыстарында, түнде Павлодар облысында кей жерлерде тұман түседі. Қарағанды облысында кей жерлерде тұман түседі, күндіз кей жерлерде көктайғақ болады.