Kyzylorda-News.kz

 

    Бүгін «Сыр медиа» ЖШС жанындағы облыстық коммуникация орталығында Қызылорда облысы бойынша «Даму» кәсіпкерлікті дамыту қоры» АҚ аймақтық филиал директоры Жансұлтан Матаевтың қатысуымен брифинг өтті. Брифинг барысында «Даму» кәсіпкерлікті дамыту қорының облыстық филиалының 2015 жылы атқарған жұмыстары және 2016 жылға арналған жоспарлары туралы ақпараттандырылды.
    - Үстіміздегі жылдан бастап Даму Қоры кәсіпкерлік ниеттегі халықтың кәсіпкерлік әлеуетінің ашылуына жәрдемдесу мақсатында бастауыш кәсіпкерлердің қаржыландыру көздеріне қол жеткізуін жеңілдетуге бағытталып жұмыс жасайтын «Жаңа ашылған бизнесті қолдау» және «Студенттік жастардың кәсіпкерлік бастамасын қолдау» жаңа оқыту бағдарламаларын іске қосып жатырмыз, - деді Ж.Матаев. – Жобалардың жүзеге асуы аясында Даму Қорының Қызылорда облысы бойынша аймақтық филиалы жастарға және бастауыш кәсіпкерлерге арналған тегін оқыту семинар-тренингтерін ұйымдастыруды бастады.
    Айта кету керек, мысалыға, балабақша, шаштараз, полиграфиялық немесе жихаз цехын ашуға ниетті бастауыш кәсіпкерлерге арнап, осындай бағыттарда бизнес ашып, оны жүргізудің қыр-сырын түсіндіру мақсатында семинарлар ұйымдастырылып, табысты кәсіпкерлер мастер-класс жүргізіп, өз тәжірибесімен бөлісіп отырады.
    Шынар БЕКБАН