Kyzylorda-News.kz

 

    Бүгін Республиканың басым бөлігінде жауын-шашынсыз ауа райы сақталады, тек батыста және солтүстікте фронтальды бөліктердің өтуіне байланысты қар, кей жерлерінде жаяу бұрқасын, тұман, көктайғақ, желдің күшеюі күтіледі.
    Бұл туралы ҚР ІІМ ТЖК баспасөз қызметі хабарлайды.
    Батыс Қазақстан, Ақтөбе облыстарының кей жерлерінде тұман, көктайғақ болып, желдің жылдамдығы 15-20 м/с-ға дейін күшейеді. Жамбыл облысының кей жерлерінде тұман күтіліп, күндіз желдің жылдамдығы 15-20 м/с-ға дейін күшейеді. Атырау облысының кей жерлерінде тұман түсіп, түнде көктайғақ болады. Алматы облысының Жалаңашкөл ауданында жел 18-23 м/с-ға дейін күшейеді, түнде кей жерлерінде тұман күтіледі. Қызылорда, Маңғыстау, Қарағанды облыстарында, түнде және таңертең Павлодар, Шығыс Қазақстан, Оңтүстік Қазақстан облыстарының кей жерлерінде тұман күтіледі. Күндіз Ақмола облысының кей жерлерінде бұрқасын, көктайғақ болып, күндіз желдің жылдамдығы 15-20 м/с-ға дейін күшейеді. Қостанай, Солтүстік Қазақстан облыстарының кей жерлерінде бұрқасын, тұман, көктайғақ болып, күндіз желдің жылдамдығы 15-20 м/с-ға дейін күшейеді.