Kyzylorda-News.kz

 

    Сейсенбі күні Қазақстанның басым аумағында қар-жаңбыр жауып, бұрқасындатады, жел күшейеді. Еліміздің шығыс өңірлері мен Ақтөбе, Қызылорда облыстарында ғана жауын-шашын күтілмейді, деп хабарлайды BNews.kz.
    Қазақстанның орталығында бұрқасындатып, жел күшейеді. Ақмола облысында желдің күші 15-20 м/с-ке дейін жетіп, күндізгі ауа температурасы -16...-18°C шамасында болады. Қарағанды облысында тек оңтүстік аудандарда күн ашық болады, басқа жерлерде қар жауып, бұрқасындатады. Күндіз ауа температурасы -7...-10°C, түнде −10...-13°C. Қазақстанның солтүстік аймақтарының кей жерлерінде ауа райы жауын-шашынды болмақ. СҚО-да қар жауып, бұрқасындатады, күндіз ауа температурасы -19...-20°C, түнде −20...-22°C. Қостанай облысында қар жауып, ауа температурасы күндіз -16...-18°C, түнде −18...-21°C шамасында болады. Павлодар облысында ауа райы жауын-шашынсыз. Сынап бағанасы күндіз -19...-21°C, түнде −22...-24°C көрсетеді.
    Шығыс Қазақстанда күндіз ауа температурасы −14...-17°C, түнде −17...-20°C, кей жерлерінде −22°C. Еліміздің оңтүстік аймақтарында тұман түсіп, қар-жаңбыр жауады. Алматы облысында ауа температурасы күндіз −2...+2°C, түнде 0...-2°C. Батыс Қазақстанда ауа райы құбылмалы болып, жауын-шашын күтіледі. Жел күшейіп, қар жауады. Ауа температурасы күндіз −9...-11°C, түнде −20...-22°C көрсетеді.