Kyzylorda-News.kz

 

    Сыр елінің белгілі қаламгерлері, Қызылорда облыстық "Сыр бойы" газетінің бас редакторы Жұматәлі Әбдіраман және басылымның Шиелі, Жаңақорған аудандарының меншікті тілшісі, сатирик Нұрмахан Елтай ағаларымыз марапат биігінен көрінді. ҚР Инвестициялар және даму министрлігі ел Тәуелсіздігі күніне орай, "Ақпарат саласының үздігі" төсбелгісін қос қаламгердің кеудесіне тақты. Ел дамуына қосқан үлесі мен жемісті еңбегі, зияткерлік қарым-қабілеті мемлекет тарапынан жоғары бағаланған жазушы-журналистердің марапатымен "Сыр медиа" ЖШС ұжымы да құттықтайды.
    Қара сөздің қаймағын қалқып, журналистикада белгілі бір қолтаңбасын қалдырған, қара нардай қажырлы еңбек етіп, халқымыздың мүддесін қастер тұтқан қазақы сөздің хас шеберлерін мерекеге тұспа-тұс келген қуаныштарымен құттықтай отырып, алар асуларыңыз биіктей берсін дейміз!!!