Kyzylorda-News.kz

 

    22 желтоқсанда Қазақстанның басым аймақтарында атмосфералық фронттардың өтуіне байланысты тұрақсыз ауа райы сақталып, кей жерлерде жауын-шашын (көбінесе қар) жауады, тұман, көктайғақ, бұрқасын, желдің күшеюі күтіледі. Бұл туралы Қазгидромет хабарлады.
    Оңтүстікте, оңтүстік-шығыста жауын-шашынсыз ауа райы күтіледі. Қостанай облысының көп бөлігінде жел 15-20, екпіні 23 м/с күшейіп, бұрқасын, көктайғақ болады. Батыс Қазақстан, күндіз Атырау, Қызылорда облыстарының кей жерлерінде жел 15-20 м/с күшейеді, кей жерлерінде тұман, көктайғақ бақыланады. Ақтөбе облысының кей жерлерінде бұрқасын, көктайғақ, желдің 15-20 м/с күшеюі күтіледі. Солтүстік Қазақстан облысының кей жерлерінде бұрқасын, көктайғақ, желдің 15-20 м/с күшеюі бақыланады. Қарағанды, таңертең және күндіз Оңтүстік Қазақстан облыстарында желдің 15-20 м/с күшеюі күтіледі, кей жерлерінде бұрқасын бақыланады. Ақмола облысының кей жерлерінде жел 15-20, күндіз екпіні 23 м/с күшеюі, кей жерлерде бұрқасынмен бірге күтіледі. Алматы облысының Жалаңашкөл аймағында жел 17-22 м/с күтіледі, түнде кей жерлерінде тұман бақыланады. Жамбыл облысының кей жерлерінде тұман, жел 15-20 м/с болады. Маңғыстау облысының кей жерлерінде тұман, көктайғақ күтілелді.
    «Қазақпарат»