Kyzylorda-News.kz

 

    ҚР Медициналық және фармацевтикалық бақылау комитетінің Қызылорда облысы бойынша департаментіне биыл түскен 99 өтініштің 33 пайызы дәлелін тапты. Бұл туралы «Сыр Медиа» ЖШС жанындағы ОКО-ның брифингінде департамент басшысы Шәкизада Исағалиева мәлімдеді.
    2014 жылы талап-тілектер саны 136-ны құрап, соның 42 пайызының негізді екені анықталды. Департамент басшысы көрсеткіштің төмендеуін денсаулық сақтау саласындағы мәселелер туралы халықтың өтініштерін қабылдайтын Call-орталықтың ашылуымен байланыстырады. Ал арыз-шағымдардың негізсіз болатыны, дәрігерлер науқаспен, олардың туыстарымен дұрыстап сөйлесуге уақыт та, көңіл де бөлмейді. Оның үстіне, емделушілер саны өте көп.  
    - Орталық әзірге таңғы сағат 8-ден кешкі 8-ге дейін жұмыс істейді. Алдағы уақытта тәуліктік кестеге көшеді. Мұнда аймақтағы 43 медициналық ұйыммен байланыс орнатылған. Мәселені тез арада шешу мүмкіндігі жоғары, - дейді Шәкизада Исағалиева.
    Биыл 5 медициналық ұйым мемлекеттік аккредитациядан өтті. Оның 3-еуі – бірінші, 2-еуі екінші дәрежелі санатқа ие болды.
    - Ал жиі қолданылатын 200 дәрі-дәрмектің бағасын тұрақты түрде ұстауға 90 дәріханалық субъектімен үшжақты меморандум жасалды. Қазірге дейін бағалары сол күйі сақталып тұр, - деді департамент басшысы.
    Назерке САНИЯЗОВА