СЫРДАРИЯ АУДАНЫНДА КӘСІПКЕРЛІК САЛАСЫ ҚАРҚЫНДЫ ДАМУДА
Жыл өткен сайын Сырдария ауданында кәсіпкерлік саласы қарқынды түрде дамып келеді. Атап айтқанда, «Батыс Еуропа – Батыс Қытай» халықаралық транзиттік дәлізі бойынан «В» санаты бойынша Сырдария ауданы шекарасынан өтетін бөлігінде жеке кәсіпкер «Жунусова» және «Ақжарма - 1» шаруа қожалығының сервистік кешендерінің құрылысы жүргізілуде. Бұл туралы бүгін «Сыр медиа» ЖШС жанындағы облыстық коммуникация орталығында өткен брифингте Сырдария ауданы әкімі Ғани Қазантаев хабарлады.
- «Бизнестің жол картасы -2020» бағдарламасы бойынша құны 20 млн теңгені құрайтын 5 жоба екінші деңгейлі банктер арқылы несиелендірілді. Аталмыш бағдарламаның «Өндірістік инфрақұрылымды дамыту» қолдау тетігі бойынша 42 млн теңгеге Н.Ильясов ауылындағы «Мағжан и К» серіктестігінің астық қырманына баратын ұзындығы 2,7 шақырым жол салынды. Ал облыстық «Өңірлік инвестициялық орталығы» ЖШС-нен аудан кәсіпкерлерінің құны 37,6 млн теңгені құрайтын 9 жобасы қаржыландырылды, - деп хабарлады.
Айта кету керек, ауданның ең ірі инвестициялық жобаларының бірі «Шаған Жер» ЖШС-нің жобалық құны – 1,1 млрд теңгені құрайтын қуаттылығы 3000 бас ірі қараны бордақылау алаңының құрылысы. Жоба толық іске қосылғанда 100 жаңа жұмыс орны ашылады деп күтілуде.
Шынар БЕКБАН
Айта кету керек, ауданның ең ірі инвестициялық жобаларының бірі «Шаған Жер» ЖШС-нің жобалық құны – 1,1 млрд теңгені құрайтын қуаттылығы 3000 бас ірі қараны бордақылау алаңының құрылысы. Жоба толық іске қосылғанда 100 жаңа жұмыс орны ашылады деп күтілуде.
Шынар БЕКБАН
