Kyzylorda-News.kz

 

    Қазақстанның көптеген бөліктерінде атмосфералық фронттардың өтуіне байланысты ауа-райы тұрақсыз болады, соған байланысты жауын-шашын, бұрқасын, тұман, көктайғақ, жел күшейіп, тек республиканың оңтүстік-шығысында жауын-шашынсыз ауа-райы болады, деп хабарлады ҚР ІІМ ТЖ Комитетінен.
    Ақмола облысында жел 15-20, кей жерлерінде екпіні 23-28 м/с, бұрқасын, тұман, көктайғақ болуы мүмкін. Түнде Алматы облысының кей жерлерінде тұман түседі. Жамбыл облысының кей жерлерінде тұман, күндіз жел 16-21 м/с соғады. Оңтүстік Қазақстан облысының кей жерлерінде тұман түседі, жел 15-20 м/с соғады. Қызылорда, Атырау, Батыс Қазақстан облыстарының кей жерлерінде тұман, көктайғақ болады, жел 15-22 м/с соғады. Маңғыстау облысының кей жерлерінде жел 15-20 м/с соғады, түнде кей жерлерінде тұман, көктайғақ болады. Қостанай, Солтүстік Қазақстан, Павлодар облыстарының кей жерлерінде жел 15-22, кей жерлерде екпіні 25 м/с күтіледі, бұрқасын, көктайғақ болады. Ақтөбе облысының кей жерлерінде жел 15-20, түнде екпіні 25 м/с күтіледі, кей жерлерінде тұман, көктайғақ күтіледі. Шығыс Қазақстан облысының кей жерлерінде бұрқасын, көктайғақ, желдің 15-20 м/с күшейуі күтіледі.