Kyzylorda-News.kz

 

    Ауыл шаруашылығындағы кейбір түйткілдер және оларды шешу жолдары Ы.Жақаев атындағы Қазақ ғылыми-зерттеу институты жанындағы «Қызылорда» білім дамыту орталығында өткен семинарға арқау болды.
    Жергілікті «Қоғам» телеарнасы хабарлағандай, дөңгелек үстелге орталық қызметкерлері, студенттер, агрономдар, мал шаруашылығы жөніндегі австралиялық сарапшы Уильям Дейли қатысты. Сырттан сарапшы шақырту бекер емес. Өйткені Австралия индустриалды-аграрлы саласы қарқынды дамушы елдер қатарында. «Генетика. Қазақстанның табиғи-климаттық жағдайына бейім ұсақ мал тұқымдары» тақырыбындағы семинарда қатысушылар өзара білім мен тәжірибе алмасты. Айта кетейік, Қазақстан мен Австралия климатымен ғана емес, ұсақ тұяқты мал шаруашылығын дамыту әдістерімен де ерекшеленеді.
    Екікүндік семинар Жаңақорған ауданында жалғасты. «Көбелдес» шаруа қожалығының базасында шетелдік қонақ және жиынға қатысушылар өз білімдерін тәжірибе жүзінде көрсетті.