Kyzylorda-News.kz

 

    Қазақстан аумағының басым бөлігінде қар жауып, жел күшейеді, тұман түсіп, көктайғақ болады. Тек еліміздің батысында күн ашық, деп хабарлайды BNews.kz.
    «Қазгидромет» РМК мәліметінше, Ақмола облысында 15-20 м/с жылдамдықпен жел соғады, оның екпіні 25 м/с-қа дейін жетуі мүмкін, кей жерлерде боран соғып, көктайғақ болады. Солтүстік Қазақстан облысында түнде 15-20 м/с жылдамдықпен жел соғады, желдің жылдамдығы 23 м/с-қа дейін жетуі мүмкін, кей жерлерде боран соғып, көктайғақ болады. Павлодар облысында да жел соғады – 15-20, екпіні - 25 м/с. Жамбыл облысында тұман түсіп, 15-20 м/с жылдамдықпен жел соғады, екпіні – 23 м/с. Оңтүстік Қазақстан облысының кей жерлерінде тұман түседі, желдің күші - 15-20, түнде оның екпіні 23 м/с-қа жетеді. Алматы, Шығыс Қазақстан облыстарында жел күшейеді – 15-23 м/с. Қарағанды облысының кей жерлерінде тұман түседі, көктайғақ болып, 17-22 м/с жылдамдықпен жел соғады. Қостанай, түнде Ақтөбе облысында кей жерлерде жел тұрады –15-22 м/с, боран соғады. Қызылорда, Батыс Қазақстан облыстарының кей жерлерінде тұман түседі деп болжануда.