Kyzylorda-News.kz

 

    Қазақстанда қазанның соңына қарай темекінің ең төменгі бағасы қымбаттайды, 2015 жылдың соңына дейін темекі 220 теңге, 2016 жылдан бастап– 240 теңге болады, делінген бейсенбіде ресми БАҚ-та жарияланған үкімет қаулысында.
    "Фильтрлі 20 (жиырма) сигаретке ең төмен бөлшек баға 2015 жылғы 31 желтоқсанға дейін 220 теңге көлемінде қоса алғанда, 2016 жылғы 1 қаңтардан бастап 240 теңге көлемінде бекітілсін", — делінген 12 қазанда үкімет басшысы қол қойған құжатта.
    Қаулы ресми жарияланған күннен бастап он күнтізбелік күн өткен соң қолданысқа енгізіледі.
    2015 жылғы 1 қаңтардан бері  темекінің ең төменгі бағасы 200 теңгені құрайды.