Kyzylorda-News.kz

 

    Қазақстанның басым аумағында атмосфералық ағымдардың өтуінен күн райы құбылмалы болады, солтүстікте кей бөліктерде күн жауын-шашынды (жаңбыр, қар), оңтүстік-шығыста найзағай ойнайды, жауын жауады, екпінді жел соғып, шаңды дауыл көтеріледі. Еліміздің батысы мен оңтүстігінде күн ашық, деп хабарлайды BNews.kz.
    «Қазгидромет» РМК мәліметінше, Солтүстік Қазақстан облысында түнде 15-20 м/с жылдамдықпен жел соғады, кей жерлерде екпіні 25 м/с-ке дейін жетеді.
    Ақмола, Павлодар, Қарағанды, Шығыс Қазақстан, Қостанай, Қызылорда, күндіз Батыс Қазақстан өңірлерінде желдің жылдамдығы 15-20 м/с-ке дейін барады.
    Оңтүстік Қазақстан, Алматы облыстарында шаңды дауыл көтеріледі, 17-22 м/с жел соғады.
    Жамбыл өңірінде жел жел соғып, түнде және таңертең найзағай жарқылдайды.
    Қызылорда, Оңтүстік Қазақстан, Жамбыл, Батыс Қазақстан, Атырау, Қарағанды, Қостанай, Ақтөбе аймақтарында төтенше өрт қаупі сақталады. Астанада көшпелі бұлт шығады деп күтілуде, оқта-текте жаңбыр жауады, солтүстік-батыстан, батыстан 9-14, түнде және таңертең 15-20 м/с жылдамдықпен жел соғады. Түнде ауа температурасы 0+2°С, күндіз +5+7°С.
    Алматы да көшпелі бұлт шығады, жаңбыр жауады деп болжанған. Батыстан 2-7м/с жылдамдықпен жел соғады, екпіні 10 м/с-ке дейін жетуі мүмкін. Түнде сынап бағанасы +11+13°С, күндіз+17+19°С көрсетеді.