Kyzylorda-News.kz

 

    2015 жылдың 28 қыркүйек күні облыстық бюджеттік комиссия отырысы болып, оның қарауына 2016-2018 жылдарға арналған облыстық бюджет жобасы ұсынылды.
    2016 жылға облыстық бюджеттің басты бағыттары анықталып, келесі шығындарға бағытталып отыр:
    -халықтың жұмыспен қамтылуын қамтамасыз ету;
    -құрылысы жүргізіліп жатқан өңдеу секторы кәсіпорындарына инфрақұрылымды жеткізуді, дамыту;
    -мемлекеттік-жеке меншік әріптестік тетігі арқылы жобаларды жүзеге асыру;
    -облыс орталығын одан әрі дамыту, ең әуелі, тұрғын-үй құрылысы мен көшелерді жөндеу;
    -сонымен қатар Қармақшы ауданы мен Жалағаш аудандарының даму Жол картасын іске асыру.
    Облыстық бюджеттен қаржыландырылатын барлық ағымдағы әлеуметтік сипаттағы шығындар толықтай сақталуда яғни, бюджет әлеуметтік сипатты сақтап отыр.
    Осылайша, 2016 жылға арналған облыстық бюджет жобасының көлемі 90615,5 млн. теңгені құрап отыр, оның ішінде ағымдағы бюджет – 48934,7 млн. теңге, даму бюджеті – 11503,1 млн. теңге, аудандарға берілетін субвенция – 28599,8 млн. теңге, жоғары тұрған бюджетке қайтарылатын кредит – 1577,9 млн. теңге.
    Қызылорда облысының экономика және бюджеттік
    жоспарлау басқармасы