«НҰР ОТАН» ПАРТИЯСЫНЫҢ ҚОЛДАУЫМЕН «ҰЛЫ ДАЛА ОЙЫНДАРЫ» ӨТЕДІ
Қазақ Хандығының 550 жылдығы мерейтойы Жамбыл облысында кең көлемде аталып өтпек, деп жазады nurotan.kz.
Қазан айының 8-9 күндері Жамбыл облысында Қазақ Хандығының 550 жылдығына арналған негізгі іс-шаралар ұйымдастырылады. Мерейтой аясында «Нұр Отан» партиясының қолдауымен Ұлттық спорт түрлері қауымдастығы және Жамбыл облысының әкімдігі «Ұлы дала ойындары» бәсекесін өткізбек.
Халқымыздың төл мәдениеті мен өнерін ұлықтайтын іс-шаралар қатарында ұлттық спорт түрлерінен өтетін бәсекелер – 31 шақырымдық аламан бәйге, топ бәйге және ұшқыр бәйгеге басымдық беріледі.
Аталған жарыстарды біліктілігі жоғары, кәсіби төрешілер жүргізетін болады. Барлық бәйге бәсекесіне 150-ден астам сәйгүлік қатысады деп күтілуде. Жүлде қоры қомақты. Жүзден жүйрік шыққан сәйгүліктерге арнайы қаржылай сыйлықтар тағайындалған.
Сонымен қатар, Жамбыл облысының атшабарында көпшіліктің назарына «Ұлы дала ойындары» атты қойылым ұсынылмақ. Көкпардан, аударыспақтан, теңге ілуден Азия чемпионатында топ жарған спортшылар және елімізде енді ғана қарқынды дамып келе жатқан жамбы ату спортының шеберлері өнер көрсетеді.
Қазан айының 8-9 күндері Жамбыл облысында Қазақ Хандығының 550 жылдығына арналған негізгі іс-шаралар ұйымдастырылады. Мерейтой аясында «Нұр Отан» партиясының қолдауымен Ұлттық спорт түрлері қауымдастығы және Жамбыл облысының әкімдігі «Ұлы дала ойындары» бәсекесін өткізбек.
Халқымыздың төл мәдениеті мен өнерін ұлықтайтын іс-шаралар қатарында ұлттық спорт түрлерінен өтетін бәсекелер – 31 шақырымдық аламан бәйге, топ бәйге және ұшқыр бәйгеге басымдық беріледі.
Аталған жарыстарды біліктілігі жоғары, кәсіби төрешілер жүргізетін болады. Барлық бәйге бәсекесіне 150-ден астам сәйгүлік қатысады деп күтілуде. Жүлде қоры қомақты. Жүзден жүйрік шыққан сәйгүліктерге арнайы қаржылай сыйлықтар тағайындалған.
Сонымен қатар, Жамбыл облысының атшабарында көпшіліктің назарына «Ұлы дала ойындары» атты қойылым ұсынылмақ. Көкпардан, аударыспақтан, теңге ілуден Азия чемпионатында топ жарған спортшылар және елімізде енді ғана қарқынды дамып келе жатқан жамбы ату спортының шеберлері өнер көрсетеді.
