Kyzylorda-News.kz

 

    Қызылорда ОІІД Әкімшілік полиция басқармасы Табиғатты қорғау полиция бөлімінің қызметкерлері аңшылықпен айналысатын азаматтарға төмендегідей мәлімет береді.      

    Қазақстан Республикасы Үкіметінің 2004 жылғы 9-шілдедегі №593 «Жануарлар дүниесін қорғау, өсімін молайту және пайдалану туралы» Заңына және Қазақстан Республикасы Үкіметінің 2012 жылғы 02 шілдедегі №901 қаулысымен бекітілген «Қазақстан Республикасы аумағындағы аң аулау ережесіне» сәйкес, Қызылорда облысы аумағында күзгі-қысқы аң аулау маусымы 2015 жылдың:
    -20 тамызынан – 30 қарашасына дейін (бөдене, кептер, түркептерге);
    - 5 қыркүйегінен – 15 қарашасына дейін шіл (сұр дала шілі, сақалды шіл);
    -5 қыркүйегінен – 15 желтоқсанына дейін жыл қыстарына (қаз, үйрек, қасқалдақ);
    - 1 қыркүйегінен – 31 желтоқсанына дейін жабайы шошқа;
    - 5 қыркүйегінен – 31 желтоқсанына дейін борсыққа;
    - 15 қазанынан – 31 желтоқсанына дейін қырғауылға (аң аулайтын иттер және аңшы құстармен 1 қазанынан бастап);
    01 қарашасынан – 15 ақпанға дейінгі аралықта қоян, түлкі, қарсақтар алуға ашылады.
    Аңшылық жасауға облыс аумағындағы бекітілген аңшылық шаруашылықтары жерлерінде ғана рұқсат етіледі. Мемлекеттік баж төленбеген жағдайда аң алуға рұқсат берілмейді.        
    Айта кетерлік жайт, 2015 жылдың 8 айында облыс көлемінде барлығы – 361 табиғат қорғау заңнамаларын бұзу деректері анықталса (оның ішінде 79 қылмыстық істер), бұл көрсеткіш 2014 жылы 273 болып заң бұзушылықтардың анықталу деңгейі +32,2 пайызға жоғарылаған. Оның ішінде, балық саласында- 148, жануар әлемі саласында – 170 , өсімдік әлемі саласында – 43 дерек тіркелген.
    Алдағы уақытта да Қызылорда ОІІД ӘПБ-ның табиғатты қорғау полициясы саласы құрылымдарымен облыс көлемінде экологиялық құқық бұзушылықтар мен қылмыстың алдын алу, ескерту, жолын кесу және анықтау жұмыстары өз жалғасын табады.
    Қызылорда ОІІД баспасөз қызметі