Kyzylorda-News.kz

 

   Қызылорда гарнизонының өрт бөлімшелері қызметкерлерінің арасында «Үздік газ-түтіннен қорғаушы» және «ГДЗС» қауіпсіздік постындағы үздік күзетші» кәсіби-шеберлік байқауы өтті, деп хабарлайды Қызылорда облысы ТЖД баспасөз қызметінен.

    Байқауды бірінші бөлімінде құтқарушылар теориядан сынақ тапсырды: «СИЗОД» арнайы бөлімшелерінің және оның міндеттемелері; басқарушы құжаттар, газ-түтіннен қорғаушы қызметінің жұмыстарын реттеу бойынша тест сұрақтарынана  жауап берді. Одан кейін өрт сөндірушілер бастығы өздерінің білімі мен тәжірибедегі дағдыларын көрсетіп, толық жауынгерлік дайындықта  сынақтан өтті. Жарыс серпінді және көріністі өтті. Тапсырмалар жылдам, уақытында орындалды. Төрешілер әрекеттің дұрыстығына және «ГДЗС» өрт сөндірушілердің дайындығы мен жеке қорғану жабдықтарына баса назар аударды.
    Жарыс қорытындысымен от пен түтіннің әсерінен психологиялық даярлықтың өрт жолағын бағындыруда Қызылорда облысы ТЖД «Өрт сөндіру және авариялық құтқару жұмысы қызметі» ММ №10 өрт сөндіру бөлімі, өртке қарсы қызмет старшинасы Қуаныш Байзақов ең жақсы нәтиже көрсетіп, «Үздік газ-түтіннен қорғаушы» деген атаққа ие болды.
    Үздік қауіпсіздік күзетші - Қызылорда облысы ТЖД «Өрт сөндіру және авариялық құтқару жұмысы қызмет»і ММ №11 өрт сөндіру бөлімі, өртке қарсы қызмет прапорщигі Ермек Қарамеңдиев болды.
    «Бұл іс-шара өрт сөндірушілердің кәсіби даярлығын көтеру, амал-тәсілдерді арттыру мен қызметкерлерді машықтандыру, дағдыландыру, дайындап шығару мақсатында өтті»,- деді «Өрт сөндіру және авариялық құтқару жұмысы қызметі» мекемесінің бөлім бастығы, өртке қарсы қызмет подполковнигі Болатбек Қосмұратов.