Kyzylorda-News.kz

 

    Қазақстан аумағының басым бөлігінде алдағы тәуліктерде күн ашық болады. Республиканың солтүстік және орталық облыстарында күн күркіреп, жаңбыр жауады, күшті жел тұрады. Тек оңтүстік өңірлерде күн ысиды, деп хабарлайды BNews.kz.
    Қазақстанның орталық облыстарында көшпелі бұлт шығып, өткінші жаңбыр жауады, 15-20 м/с жылдамдықпен жел соғады деп болжанып отыр. Ақмола облысында күндіз ауа температурасы +17...+20°C, солтүстікте +14...+17°C, түнде +10...+14°C шамасында болады. Қарағанды облысында күндіз +20...+23°C, түнде +12...+15°C, оңтүстікте +24...+26°C дейін жылы болады, түнде температура +16...+19°C құрайды. Қазақстанның солтүстік өңірлерінде өткінші жаңбыр жауады, жел 15-20 м/с-қа дейін күшейеді, кей жерлерде бұршақ жаууы мүмкін. Солтүстік Қазақстан мен Қостанай облыстарында күндіз +14...+17°C, түнде +8...+11°C, Павлодар облысында күндіз +19...+22°C, түнде +12...+15°C жылы болады. Шығыс Қазақстанда көшпелі бұлт шығады, ауа райы жауын-шашынсыз. Ауа температурасы күндіз +32...+34°C, +16...+19°C шамасында болады.
    Еліміздің оңтүстік облыстарында күн +33...+36°C дейін ысиды, түнде +20...+23°C шамасында. Қызылорда облысында күндіз +30...+33°C ыстық болады.
    Қазақстанның батыс өңірінде жауын жаумайды. Батыс Қазақстан және Ақтөбе облыстарында күндізгі температура +22...+25°C, түнде +13...+16°C құрайды. Атырау және Маңғыстау облыстарында күндіз +28...+30°C, түнде +18...+22°C жылы болады.