Kyzylorda-News.kz

 

    «Жолаушылар тасымалы» АҚ 2015 жылдың 1 тамызынан бастап күндізгі кестемен жүретін (бір бағытқа) төмендегі пойыздарға 10% жеңілдіктер енгізілгенін хабарлайды.
     - №35 Алматы-Шымкент бағытына;
      - №49 Алматы-Ақтөбе бағытына;
     - №50 Ақтөбе-Алматы бағытына;
     - №78 Атырау-Алматы бағытына;
      - №90 Қызылорда-Астана бағытына.
    Бұдан бөлек, барлық «Тұлпар-Тальго» жолаушылар пойыздарының (№25/26 Алматы-Шымкент пойызынан басқа)  жоғарғы орындарына 5% көлемінде   жеңілдіктер қарастырылған.
    Бұл жеңілдіктер бұған дейін белгіленген жеңілдіктерге, яғни тарифті икемді басқару мен дисконттық карталарға қосымша енгізіліп отырғанын айта кету керек.
    Сондай-ақ, 2015 жылдың 1 тамызынан бастап «Жолаушылар тасымалы» АҚ «Құрмет» (60 жас пен одан ересек адамдар үшін) және «Жастар» (16-25 жас аралығындағы жастар үшін) дисконттық карталарға қазіргі 10 пайыздық жеңілдікті 30 пайызға дейін көбейткенін хабарлайды.  
    «Саяхатшы» дисконтты картасы - жүрдек пойыздарда соңғы 12 айда төмендегідей бағаға сапарлаған тұрақты жолаушылар үшін:
    100 000 теңгеден 150 000 теңгеге дейін, жеңілдік көлемі - 10 пайыз;
    150 001 теңгеден 200 000 теңгеге дейін, жеңілдік құны - 15 пайыз;
    200 001 теңгеден жоғары, жеңілдік көлемі - 20 пайыз жеңілдіктер қаратырылған.
    Қосымша ақпаратты темір жол вокзалдарының анықтамалықтарынан немесе 105 бірегей анықтама қызметінен алуға болады, деп хабарлайды «Жолаушылар тасымалы» АҚ баспасөз қызметі.