Kyzylorda-News.kz

 

    Қазақстанда жас кәсіпкерлерге арналған реалити-шоу жарияланды. Жүлде қоры 25 млн тенге болатын «Startup жобалар» байқауы жарияланды, деп хабарлайды 24.kz.
    «Болашақ» қауымдастығының бұл бастамасына 18-29 жас аралығындағы кәсіпкерлер қатыса алады. Ең үздік бизнес-идея авторы кәсіпкерлікті бастауға көмектесетін қаржылық қолдауға ие болады. Ақтық мәреде үздік 10 жоба таңдалады. Қатысушылар инвесторлар қолдауынан бөлек бизнес жоспарларды әзірлеу мен өз жобаларын таныстыру бойынша оқыту тренигтерінен өтеді. Еліміздегі белді бизнесмендерден кеңес алуға мүмкіндік беріледі.
    Мұнымен қоса «Даму» қоры арқылы төмен пайызбен несие алып, сондай-ақ Технологиялық даму жөніндегі ұлттық агенттігінің инновациялық гранттарына ие болады. Негізгі талап – бизнес-жобалар сұранысқа ие және өндіріске енгізілетіндей болуы тиіс. Іріктеу кезеңдері еліміздегі телеарналардың бірінде реалити-шоу форматында эфирден көрсетіледі.
    - Бірінші орынға 7 млн, екінші орынға 5млн, ал қола жүлдеге ие болған жас іскерге 3млн тенге грант беріледі. Бұдан бөлек, құрылыс саласындағы қызықты жоба иесіне BI Group компаниясының 10 млн тенге көлеміндегі арнайы гранты бар, - «Болашақ» қауымдастығы кеңесінің төрағасы Қуандық Бишімбаев.