Kyzylorda-News.kz

 

    GGG Promotions әлемге Gennady Golovkin жаңа мобильді қосымшасын ұсынды. Оны қазірдің өзінде iOS және Android жүйесімен жұмыс істейтін смартфондарға орнатуға болады. Бұл туралы gggboxing.com сайтына сілтеме жасай отырып 24.кз  хабарлады.
    Жаңа гаджет қазақстандық боксшының жанкүйерлері үшін өте ыңғайлы. Себебі мұнда атақты Геннадий Головкиннің барлық әлеуметтік желілердегі ресми парақшалары бір жерге жинақталған. Енді оның көмегімен жанкүйерлер сүйікті спортшысы туралы ең соңғы жаңалықтарды оқып, суреттерін көріп ғана қоймай, Геннадий Головкинге мәтіндік, дыбыстық және тіпті бейнехабарламалар да жібере алады. Gennady Golovkin мобильді қосымшасын қазақ, орыс, ағылшын тілдерінде оқи аласыз. Ал таяу арада гаджет испан тілінде де жарық көреді. Осы орайда қазақстандық спортшының менеджері Олег Герман былай деді: «Жаңа қосымша мүлде тегін және оны App Store мен Google Play-ден қазірден бастап, қалта телефонына жүктеп алуға болады. Геннадийдің бүкіл әлем бойынша жанкүйерлері көп болғандықтан, оларға спортшы туралы барлық алуан түрлі ақпаратты уақытын үнемдеп, бір жерден оқу өте ыңғайлы болғандықтан, гаджет олардың көңілінен шығады деп ойлаймыз».
    GGG App мобильді қосымшасы немістің Bside-Me GmbH компаниясымен бірге жасалған және ол үнемі жаңартылып және жетілдіріліп отырады.