Kyzylorda-News.kz

    Назарбаев алдағы девальвация туралы қаңқу сөздерді жоққа шығарды, - деп хабарлайды Tengrinews.kz.
    "Сайлаудан кейін күрт ештеңе болмайды. Қалай жұмыс істедік, солай жұмыс істейміз. Ешқандай алғышарт жоқ, мен бұған дейін де ескерткенмін, егер бірдеңе ұйғарылса, өзім айтамын. Ресей рубліне байланысты тұрақсыздық болды, қазір өздеріңіз көріп тұрғандай, тұрақты ешқандай жоспар ұйғарылып отырған жоқ", - деді Президент Ақордадағы баспасөз мәслихаты барысында, ҚР-да сайлаудан кейін девальвация бола ма деген сұраққа жауап беру кезінде.
    "Тағы бір мәселе - біз еркін құбылмалы теңге бағамымен жұмыс істеп жатырмыз - нысаналау, бірақ бұл күрделі мәселе, біз оны Халықаралық валюта қорымен шешіп жатырмыз, ол 5 жылдан бұрын орындалмайды", - деді ол.
    Еске сала кетейік, 26 сәуірде елімізде Қазақстан президентінің кезектен тыс сайлауы өтті. Қазақстандықтардың 95 пайызы сайлауда дауыс берді. Орталық сайлау комиссиясының алдын ала мәліметі бойынша, Нұрсұлтан Назарбаевқа сайлаушылардың 97,7 пайызы дауыс берді.