«МЕНІҢ ЕЛІМ –МӘҢГІЛІК ЕЛ»
«ПетроҚазақстан Құмкөл Ресорсиз» АҚ демеушілігімен қалалық кітапханалар жүйесінде «Қазақ хандығына - 550 жыл», «Ұлы Жеңіске - 70 жыл», «Қазақстан халқы Ассамблеясының 20 жылдығы» айтулы мерейтойларға арналған байқаулар өткізілді.
1465 жылы Керей мен Жәнібек Шу мен Талас өзендерінің арасындағы аймаққа орналасып, қазақтың туын көкке көтергеніне биыл 550 жыл толады. Мемлекет басшысы Н.Назарбаев осы оқиғаны атап өту жайында «Нұрлы жол – Болашаққа бастар!» Жолдауында мәлімдеді.
«Бабалар салған сара жол» атты байқау барысында «Қазақ тарихы тереңнен сыр шертеді», «Бабалар сөзі», «Бабалар аманаты бірлік», «Ту көтерген қазақ хандығы» атты кезеңдер бойынша талапкерлер қазақ хандығының құрылу тарихы, жоңғар шапқыншылығынан қазақтың кең-байтақ жерін аман алып қалған хандар мен батырлар жайлы аңыз әңгімелер, шешендік сөздерді мәнерлеп жатқа оқып, тарихи тұлғалар жайлы қойылым көрсетті.
Отан үшін от кешкен майдангер аталарымыздың ерлік істерін бүгінгі ұрпаққа өнеге тұту және оларды мәңгі есте сақтау, жастардың патриоттық сезімдерін қалыптастыру мақсатында өткізілген «Қаламымен қаруланған қайсар жауынгерлер» атты байқау барысында талапкерлер қаламын қару кылған қазақтың көрнекті ақын-жазушылары, Ұлы Отан соғысының ардагерлері Б.Момышұлы, Қ.Қайсенов, Ә.Нұршайықов, Ә.Шәріпов, Қ.Исабаев, М.Ғабдуллин, І. Есенберлин шығармаларынан көрініс көрсетіп, соғыс тақырыбына арналған монолог, өлең-жырларды оқыды.
Мемлекет басшысы кезекті Жолдауында «2015 жыл-ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы» деп жариялады. Ұлтымыздың ұлылығын ұлықтайтын, ұлтаралық татулық пен тұрақтылықтың феномені - Қазақстан халқы Ассамблеясының 20 жылдығына арналған «Қазақстан достық мекені» атты байқауға қатысқан өзге ұлт өкілдері «Бірлігі жарасқан елдің ырысы мол», «Бір шаңырақ астындағы достық», «Ынтымақ, бірлік келісім-ең асыл бақыт ел үшін», «Қазақстан – достық мекені» кезеңдер бойынша өнерлерін көрсетті.
Қалалық кітапханалар жүйесі ұйымдастырған байқауларда виртуальды кітап көрмелері таныстырылып, әдістеме нұсқаулық құралдар, буклеттер жасалды.
Байқау барысында өнер көрсеткен жеңімпаздар және кәсіби шеберліктері үшін үздік танылған кітапхана қызметкерлері сыйлықтармен марапатталды. Байқауға «ПетроҚазақстан Құмкөл Ресорсиз» АҚ демеушілік көрсетті.
Дастан ДЕМЕСБАЙ.
Суретті түсірген Андрей ТАЙГУНОВ.
1465 жылы Керей мен Жәнібек Шу мен Талас өзендерінің арасындағы аймаққа орналасып, қазақтың туын көкке көтергеніне биыл 550 жыл толады. Мемлекет басшысы Н.Назарбаев осы оқиғаны атап өту жайында «Нұрлы жол – Болашаққа бастар!» Жолдауында мәлімдеді.
«Бабалар салған сара жол» атты байқау барысында «Қазақ тарихы тереңнен сыр шертеді», «Бабалар сөзі», «Бабалар аманаты бірлік», «Ту көтерген қазақ хандығы» атты кезеңдер бойынша талапкерлер қазақ хандығының құрылу тарихы, жоңғар шапқыншылығынан қазақтың кең-байтақ жерін аман алып қалған хандар мен батырлар жайлы аңыз әңгімелер, шешендік сөздерді мәнерлеп жатқа оқып, тарихи тұлғалар жайлы қойылым көрсетті.
Отан үшін от кешкен майдангер аталарымыздың ерлік істерін бүгінгі ұрпаққа өнеге тұту және оларды мәңгі есте сақтау, жастардың патриоттық сезімдерін қалыптастыру мақсатында өткізілген «Қаламымен қаруланған қайсар жауынгерлер» атты байқау барысында талапкерлер қаламын қару кылған қазақтың көрнекті ақын-жазушылары, Ұлы Отан соғысының ардагерлері Б.Момышұлы, Қ.Қайсенов, Ә.Нұршайықов, Ә.Шәріпов, Қ.Исабаев, М.Ғабдуллин, І. Есенберлин шығармаларынан көрініс көрсетіп, соғыс тақырыбына арналған монолог, өлең-жырларды оқыды.
Мемлекет басшысы кезекті Жолдауында «2015 жыл-ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы» деп жариялады. Ұлтымыздың ұлылығын ұлықтайтын, ұлтаралық татулық пен тұрақтылықтың феномені - Қазақстан халқы Ассамблеясының 20 жылдығына арналған «Қазақстан достық мекені» атты байқауға қатысқан өзге ұлт өкілдері «Бірлігі жарасқан елдің ырысы мол», «Бір шаңырақ астындағы достық», «Ынтымақ, бірлік келісім-ең асыл бақыт ел үшін», «Қазақстан – достық мекені» кезеңдер бойынша өнерлерін көрсетті.
Қалалық кітапханалар жүйесі ұйымдастырған байқауларда виртуальды кітап көрмелері таныстырылып, әдістеме нұсқаулық құралдар, буклеттер жасалды.
Байқау барысында өнер көрсеткен жеңімпаздар және кәсіби шеберліктері үшін үздік танылған кітапхана қызметкерлері сыйлықтармен марапатталды. Байқауға «ПетроҚазақстан Құмкөл Ресорсиз» АҚ демеушілік көрсетті.
Дастан ДЕМЕСБАЙ.
Суретті түсірген Андрей ТАЙГУНОВ.
