Kyzylorda-News.kz

 

   Санаулы күндерден кейін елімізде кезектен тыс Президент сайлауы өтеді. Осыған орай еліміздің барлық аймағында ашылған сайлауалды штабтары үгіт-насихат жұмыстарын белсенді жүргізуде. Саяси науқан қарсаңында облыстық ішкі саясат басқармасының ұйытқы болуымен БАҚ өкілдерінің пресс туры болып өтті.

    Алдымен №3 мектеп лицейінде орналасқан №200 сайлау учаскесінде болып, сайлауалды дайындық жұмыстарымен танысты. Одан әрі тұрғындарға шақыру билеттерін таратты.
    Жалпы, бұл учаске аумағына 19 көше, 488 жер үй мен 6 көпқабатты  тұрғын жай қамтылған. Ал сайлау учаскесінде 7 комиссия мүшесі мен бақылаушылар жұмыс атқаруда. Сайлаушылар тізімі бекітілген. Қазіргі таңда сайлауға қатысатын тұрғындар саны 2107 адамды құрап отыр. Олардың ішінде денсаулықтарына байланысты өтініш берген  26 адам үйден дауыс беретін болды. №200 сайлау учаскесінің хатшысы Салтанат Тәжітаева келген тұрғындарға түсіндірме жұмыстарын жүргізіп жатқандығын жеткізді.
    Пресс тур барысында арнайы топ тұрғындардың үйлеріне де барды. Бұқарбай батыр көшесінің тұрғыны Райхан Сұлтанмұратова шақыру қағазын алды. Енді ол алдағы өтетін сайлау отбасындағы жандармен бірге барып өз таңдауларын жасайтын болды. Көпбалалы ана Бақытбек Алпысбаева да, сайлау учаскісіне барып, дауыс беретінін жеткізді.