Kyzylorda-News.kz

 

    Шиелідегі «Әк өндіру зауыты құрылысы» жобасының қосылғанына биыл екінші жыл. Жоба бастамашысы - «Шиелі тас - Оңтүстік» ЖШС болып табылады. Жоба құны 777 млн. теңгені құрайды. Құрылатын жұмыс орындары бойынша іске қосылу кезінде 75 адам еңбек етеді. Қуаттылығы жылына 60 мың тонна әк шығаруға есептелген.
    Мемлекет тарапынан көрсетілген көмек түрі ретінде «Бизнестің жол картасы-2020» бағдарламасы аясында республикалық бюджеттен 55 млн. теңге қаржы бөлініп, зауытқа қажетті электр желісі толығымен жүргізілді.
    Зауыттың іске қосылуы республиканың оңтүстік өңірлерін әк құрылыс материалымен толығымен қамтамасыз етуге мүмкіндік береді.
    Кәсіпорынның Шиелі ауданында 30 млн. тонна көлемінде барланған шикізат кен орны бар.