Kyzylorda-News.kz

 

    2015 жылғы 1 мамырдан бастап мүгедек балаларды тәрбиелеп отырған ата-аналарға психологиялық көмек көрсету үшін онлайн қолдау қызметі жұмыс жасай бастайды, деп хабарлады Денсаулық сақтау және әлеуметтік даму министрлігінде.
    «2015 жылғы 1 мамырдан бастап мүгедек балаларды тәрбиелеп отырған ата-аналарға психологиялық көмек көрсету үшін онлайн қолдау қызметі жұмыс жасай бастайды. Қызмет жұмысын білікті психолог мамандарды тарта отырып, «SKYPE» бағдарламасының көмегімен ұйымдастыру жоспарланып отыр», - делінген хабарламада.  
    Ведомствода түсіндіргендей, онлайн кеңес беруді білікті психологтар жүргізеді. Бұл шара мүгедек балаларды тәрбиелеп отырған ата-аналарға үйлерінен шықпай-ақ, кәсіби білікті кеңес алуға мүмкіндік береді.