Kyzylorda-News.kz

 

    Қазақстанның батысы, солтүстік-батысы және оңтүстік-батысы бұрынғыша антициклон ықпалында болуымен күн ашық болады, республиканың қалған аумағында атмосфералық ағындардың өтуімен кей жерлерде тұман түсіп, бұрқасын көтеріледі, жел күшейеді, деп хабарлады ҚР ІІМ Төтенше жағдайлар комитеті «Қазгидрометке» сілтеме жасап.
    Қазақстан аумағының кей жерлерінде тұман түсуі, көктайғақ болуы күтіледі.
    Ақмола облысында кей жерлерде тұман түседі, жел 15-20 м/с-қа дейін күшейіп, жаяу борасын соғады. Алматы, Оңтүстік Қазақстан облыстарында кей жерлерде тұман түседі, көктайғақ болады, желдің күші 15-20 м/с. Жамбыл олысында кей жерлерде тұман түседі, желдің екпіні 15-20 м/с. Қызылорда облысында кей жерлерде жел 15-20 м/с-қа дейін күшейеді. Маңғыстау, Атырау, Батыс Қазақстан, Ақтөбе, Қостанай, Қарағанды облыстарында тұман түседі. Солтүстік Қазақстан облысында кей жерлерде тұман түседі, түнде желдің күші 15-20 м/с-қа дейін жетеді. Павлодар, Шығыс Қазақстан облыстарында кей жерлерде желдің күші 15-22 м/с-қа дейін жетіп, бұрқасындатады.
    Таяудағы тәуліктерде Сырдария, Шу өзендерінде мұздың қатуы әлсіреп, су деңгейінің құбылуы байқпалады.