Kyzylorda-News.kz

 

    2015 жылдың 1 қаңтарына қызылордалықтардың жалпы саны (алдын-ала деректер бойынша) – 753,2  мың адамды құрады, соның ішінде қала халқы – 325,1мың, ауыл халқы – 428,1 мың адам. Қалалық тұрғындар үлесіне  43,1%, ауылдықтар үлесіне – 56,9% тиесілі.
    2014 жылдың қаңтар-желтоқсан айында Қызылорда облысында туылғандар саны 20562 адамды құрады, бұл 2013 жылдың  осы кезеңімен  салыстырғанда  309 адамға көбейді. Жалпы халықтың туу коэффициенті 1000 тұрғынға есептегенде 27,61-ден 27,54-не  азайған.
    2014 жылдың қаңтар-желтоқсан айында облыста  өлім көрсеткіші 4556 адамды  құрап, 144  адамға көбейді (2013 жылдың қаңтар-желтоқсан айында  4412 адам), ал жалпы өлім көрсеткішінің коэффициенті әрбір 1000 тұрғынға шаққанда 6,01-ден 6,10-ға көбейген.
    Тұрғындар арасындағы өлім себептерінің негізгі топтарының басым үлес салмағын қан айналымы жүйесінің аурулары алады (15,7%).
    Қызылорда облысы статистика департаменті