Kyzylorda-News.kz

 

    Дүйсенбіде Қазақстанның басым бөлігінде жауын-шашын болып, бұрқасын көтеріледі, тұман түседі және көктайғақ болады, жел күшейеді, деп хабарлады «Қазгидромет» РМК.
    Алматы облысында кей жерлерде тұманды болады, Жалаңашкөл ауданында желдің 18-23 м/с-қа, ұйтқуы 28 м/с-қа дейін күшеюі сақталады.
    Ақтөбе, түнде Оңтүстік Қазақстан облыстарында кей жерлерде тұман түседі деп күтілуде. Солтүстік Қазақстан, Қостанай, Ақмола, Қарағанды облыстарында кей жерлерде тұман түседі, көктайғақ болады, жел  15-22 м/с-қа дейін күшейіп, бұрқасындатады.
    Батыс Қазақстан облысында кей жерлерде тұман түседі, көктайғақ болады, күндіз кей жерлерде бұрқасындатып, жел 15-20 м/с-қа дейін күшейеді. Жамбыл облысында кей жерлерде тұман түседі, жел 15-20 м/с-қа дейін күшейеді. Атырау облысында кей жерлерде тұман түсіп, көктайғақ болады. Павлодар облысында жел 17-22 м/с-қа дейін, кей жерлерде 25 м/с-қа дейін күшейіп, кей жерлерде бұрқасын көтеріледі, көктайғақ болады. Шығыс Қазақстан облысында кей жерлерде желдің екпіні 15-20 м/с-қа жетеді.