Кәсіпкерлер көрмесі өтеді
oldkaz.kyzylorda-news.kz. Қызылорда облысының кәсіпкерлер палатасы Қызылорда облыс әкімдігінің ұйымдастыруымен өткізілетін «Қазақстанның үздік тауары - 2019» өңірлік көрме байқауын тамашалауға шақырады.
Көрменің мақсаты - кәсіпорындар мен ұйымдар қызметінің белсенділігін арттыру, отандық тауарлар сапасын көтеру. Сондай-ақ Қазақстан нарығын бәсекеге қабілетті өнімге толтыру болып табылады. Кәсіпкерлер көрмесіне аймақтағы тауар өндірушілер қатысады.Байқауға қатысушылар «Өндірістік мақсаттағы үздік тауарлар», «Халыққа арналған үздік тауарлар» және «Үздік азық-түлік тауарлары» номинациялары бойынша бақ сынайтын болады. Жеңімпаздар Нұр-Сұлтан қаласында өткізілетін республикалық байқауға жолдама алады.
Көрме-байқау 13 шілде күні сағат 10.00-де «Шаңырақ» мейрамханасында өтеді.
Мекен жайы: Қызылорда қаласы, Қонаев көшесі 7, «Шаңырақ» мейрамханасы.
