Kyzylorda-News.kz

 

    Қазақстанның басым аумағы антициклон ықпалында болғандықтан, ашық күн райы сақталады, жекелеген аудандарда тұман түсіп, желдің жылдамдығы 15-22 м/с-ке дейін күшейеді, деп хабарлайды BNews.kz.
    «Тек республиканың батысында атмосфералық ағымдардың өтуінен кей жерлерде қар жауып, бұрқасындатады, 15-20 м/с жылдамдықпен жел соғады. Алматы облысында түнде таулы аудандарда тұман түсіп, желдің екпіні 25 м/с-ке дейін барады. Жамбыл облысында кей жерлерде тұман түсіп, күндіз 15-20 м/с жылдамдықпен жел соғады. Оңтүстік Қазақстан, Шығыс Қазақстан, түнде Қостанай, түнде және таңертең Солтүстік Қазақстан облыстарында кей жерлерде тұман түседі», - деп хабарлайды «Қазгидромет».
    Маңғыстау облысында кей жерлерде 17-22 м/с жел соғып, күндіз тұман түседі. Атырау облысында желдің жылдамдығы секундына 17-22 метрге дейін барады. Батыс Қазақстан облысында кей жерлерде бұрқасындатып, көктайғақ болады деп күтілуде. Ақтөбе облысында де бұрқасын болады, 15-20 м/с жылдамдықпен жел соғады.