Kyzylorda-News.kz

 

    Талабы таудай өрендер төрт мыңжылдық тарихи бар тоғызқұмалақты 3D форматында төрткүл дүниеге таныстыруды мақсат еткен. Дарынды жастардың туындысы халықаралық байқауда мойындалғаннан кейін мемлекет тарапынан патенттеліп, авторлық құқық берілді.
    Бағлан Төлебай Қызылорда қаласындағы №4 дарынды балаларға арналған мектеп-интернаттың оқушысы. Бала күнінен сурет салып, қағаздан түрлі мүсін жасауға құмар болған ол қиялындағы дүниелерді компьютерлік бағдарламалар арқылы жүзеге асыра бастайды. Тың ізденістің нәтижесінде тоғызқұмалақ ойынының 3D форматындағы әліппесін жасап шықты. Тоғызқұмалақтың әліппесінде Мағжанның да қолтаңбасы бар. Сыныптас екі дос өткен жылы осы еңбектерін халықаралық ғылыми жобалар байқауына ұсынып, екінші орын алыпты. Ең бастысы - олар 27 елдің 200-ге тарта дарынды өрендерінің арасында топ жарды. Ұлы Абай сүйсініп ойнаған тоғызқұмалақты Сыр өрені онлайн түрінде әлем балаларына жеңіл әрі тез үйретуді қалайды. «Мақсатым - пайда табу емес, ұлттық ойындарды насихаттау», - дейді жасөрен. Сондай-ақ Бағлан «Қойшылар алгебрасының» электронды ойын нұсқасын дайындауға кірісіп кетті.
    «24 кз»