2014 ЖЫЛЫ «БАЙҚОҢЫР» ҒА КӨШБАСШЫЛЫҒЫН САҚТАП ҚАЛДЫ
2014 жылы «Байқоңыр» ғарыш айлағы зымырандар ұшыру саны жағынан өзінің көш басындағы орнын сақтап қалды. Бұл туралы өткен жылдың қорытындысын шығарған Роскосмос мәлім етті. Мамандардың статистикалық мәліметтері бойынша, 2014 жылы орбитаға ұшыру үшін барлығы 14 ғарыш айлағы пайдаланылған. Зымырандар Қазақстандағы Ресей жалға алған «Байқоңыр» ғарыш айлағынан 21 рет ұшырылған (22,82%). Оның ішінде бір апатты ұшырылым бар. Екінші орынды АҚШ-тың Флорида штатының Канаверал мүйісіндегі ғарыш айлағы алады, оның үлесіне 16 ұшырылым (17,39%) тиесілі. Үшінші орында – 11 ұшырылыммен (11,96%) француздық Гвиан ғарыш орталығы. Ресейлік Плесецк ғарыш айлағынан ғарыш кеңістігіне тоғыз рет (9,78%) ұшырылым жүзеге асырылған, сондай-ақ сегіз ұшырылым қытайлық Цзюцюань (8,69%), тағы алтауы (6,52%) – Тайюань ғарыш айлағынан болған. АҚШ-тың Калифорния штатындағы «Ванденберг» базасынан Шрихарикота аралындағы үнді ғарыш айлағынан және жапондық Танегасима ғарыш айлағынан төрт ұшырылымнан (4,35%-дан) жасалған. Сонымен қатар Вирджиния штатындағы Уоллопс аралындағы ортатлантикалық аймақтық ғарыш портынан үш рет ұшыру іске асырылған (3,26%). Ал Ресейдің Орынбор облысындағы «Ясный» зымыран базасынан және қытайлық Сичан ғарыш айлағынан екі ұшырылымнан жүргізілген. Израильдегі «Пальмахим» ВВС базасынан және Тынық мұхиттың экваторлық аймағындағы Odyssey старттық платформасынан бір реттен ұшырылымдар жүзеге асырылған.
