Қызылордада тұман, көктайғақ болады
24-26 желтоқсанда Қызылорда облысының кей жерлерінде тұман, жолда көктайғақ сақталады, деп хабарлайды oldkaz.kyzylorda-news.kz облыстық төтенше жағдайлар департаментіне сілтеме жасап. «Қазгидромет» республикалық мемлекеттік кәсіпорны Қызылорда гидрометеорология орталығының хабарлауы бойынша 24-26 желтоқсанда Қызылорда облысының кей жерлерінде тұман, жолда көктайғақ сақталады. Дабылды ескертудің ықтималдылығы – 90-95%.
Осыған байланысты, Қызылорда облысы Төтенше жағдайлар департаменті облыс тұрғындары мен қонақтарына қауіпсіздікті сақтау шараларына баса назар аударуын ескертеді.
