Kyzylorda-News.kz

 

    Қазақстан аумағы 9 ақпанда да бұрынғыша фронтальдық ауа ағыны ықпалында болады. Қар жауады, тұман, көктайғақ, боран соғып, жел күшейеді, деп хабарлады «Қазгидромет» РМК.
    Ақмола облысында жел 15-20 м/с-қа күшейеді, кей жерлерде екпіні 23-ке жетеді, бұрқасындатады. Оңтүстік Қазақстан, Жамбыл облыстарының кейбір жерлерінде тұман түседі, көктайғақ, боран, желдің жылдамдығы 15-20-ға күшейіп, ұйтқыған жел екпіні 23-28 м/с-қа жетеді. Солтүстік Қазақстан облысында борандатып, тұман түседі, жел 15-20-ға күшейеді, кей өңірлерде екпіні 23-28 м/с-қа жетеді. Павлодар облысының кей аудандарында бұрқасындатады, көктайғақ болып, жел 15-20 болса, күндіз жер-жерлерде екпіні 23-28 м/с-қа жетеді. Шығыс Қазақстан облысының кей аймақтарында жел 15-20 болып, екпіні 25-28 м/с-қа жетіп, боранға ұласады. Қарағанды облысының кейбір жерлерінде тұман, көктайғақ, жел 15-20, күндіз екпіні 23 м/с болады, бұрқасындатады. Қостанай облысында боран, тұман, желдің күші 15-20, түнде және таңертең жел екпіні 23 м/с-қа жетеді. Ақтөбе облысында, күндіз Батыс Қазақстан облысының кей өңірлерінде желдің жылдамдығы - 15-20 м/с.
    Қызылорда, Маңғыстау облыстарында түнде кей жерлерде тұман түсіп, көктайғақ болады, желдің екпіні 15-20 м/с-қа жетеді. Алматы облысының кейбір аудандарында жел 17-22 м/с-қа күшейсе, түнде тұман түседі.