Kyzylorda-News.kz

 

    Бүгін «Сыр медиа» ЖШС жанындағы облыстық коммуникациялар орталығында облыстық ішкі саясат басқармасының ұйымдастыруымен «Хабар» агенттігінің белгілі журналисті және жүргізуші, мемлекеттік «Дарын» сыйлығының иегері Рахат Жақсыбай Қызылордадағы жас журналистермен кездесті.
    Қонақтардың ішінде журналист-блогер, «Нұр Сұңқар» премиясының иегері Өркен Кенжебек те болды. Астаналық қонақтар ақпарат жүйесіндегі бәсекелестікті дұрыс қалыптастыру туралы әңгімелеп берді. Сонымен қатар өздерінің тәжірибесімен және шеберліктерімен бөлісті. Жас журналистерді мемлекеттік «Болашақ» стипендиясына қатысуға шақырды.
    Кездесу бейресми жағдайда өткізілгендіктен әріптестер заманауи журналистикадағы мәселелер жөнінде  өз ойларын жеткізді.
    Шынар БЕКБАН