Kyzylorda-News.kz

 

    Қазақстанның аумағында атмосфералық ағымдардың өтуінен қар жауып, көктайғақ болады, тұман түседі, бұрқасындатады, жел күшейеді, деп хабарлайды BNews.kz.
    Қазгидрометтің мәліметінше, Алматы облысында түнде және таңертең кей жерлерде тұман түсіп, Жалаңашкөл ауданында 23-28 м/с жылдамдықпен жел соғады. Шығыс Қазақстан облысында кей жерлерде көктайғақ болады, бұрқасындатып, 15-25 м/с жел соғады. Қарағанды облысында кей жерлерде тұман түсіп, көктайғақ болады, желдің күші 15-20 м/с-ті құрайды. Маңғыстау облысында кей жерлерде көктайғақ болады, күндіз 15-20 м/с жылдамдықпен жел соғады. Ақмола, Ақтөбе, Қостанай, Солтүстік Қазақстан, Павлодар облыстарында жылдамдығы 15-20, екпіні 25 м/с-ке жететін жел соғады, бұрқасындатады, кей жерлерде тұман түсіп, көктайғақ болады. Батыс Қазақстан, Атырау облыстарында кей жерлерде бұрқасындатып, 15-22 м/с жылдамдықпен жел соғады. Жамбыл, Қызылорда, Оңтүстік Қазақстан облыстарында кей жерлерде тұман түсіп, 15-20 м/с жел соғады деп болжануда.