Полиглоттар өзара мықтыны анықтады
Ә.Тәжібаев атындағы облыстық әмбебап ғылыми кітапханасында «Рухани жаңғыру» бағдарламасы аясында «Полиглот» атты видео-викторина өтті.ҚР Президенті Н.Назарбаевтың үштұғырлы тіл саясатын басшылыққа алған сайыс оқырмандардың білімділігін арттыруды, дарынды жастардың шығармашылық және интеллектуалдық мүмкіндіктерін дамытуды мақсат тұтты.
Шарада М.Мәметова атындағы гуманитарлық жоғары колледжінің ағылшын тілі бөлімінің студенттерінен құралған «The best» және «Friendship» топтары қатысып, экранда қазақ тілінде берілген сөздерді орыс және ағылшын тілдеріне дұрыс әрі жылдам аударудан сайысқа түсті.
«Полиглот» жарысында «The best» тобы жеңіске жетті және бірқатар белсенді жастар марапатталды.
