Қызылорда облысында 120 мың адам диктант жазды
Бүгін, Қазақстан Республикасы Мәдениет және спорт министрлігі Тіл саясаты комитетінің бастамасымен республикалық «Жалпыхалықтық диктант» ұйымдастырылды.Бұл шара латын негізді қазақ тілі әліпбиінің, «Қазақ тілі емлесінің негізгі ережелері» жобасының практикалық тұрғыда меңгерілуін жан-жақты қамту, нақтылай түсу, өзін-өзі бағалау және жаңа әліпбиге бейімделуді мақсат етті.
Республика көлемінде ұйымдыстырылған шараны Сыр өңірінде Қызылорда облыстық ішкі саясат басқармасы ұйымдастырып, облыстық және қалалық әкімдіктерде, облыстық ішкі істер департаментінде, Қорқыт Ата атындағы Қызылорда мемлекеттік университетінде және аудандарда өткізілді. Диктант бір күнде, бір мезетте, яғни 14 қараша сағат 11.00- де аудиожазбаны тыңдау арқылы жазылды. Латын қаріпімен жазылған диктанттың тақырыбы «Рухани жаңғыру».
Еліміз бойынша бұл шараға 1 530 000 адам қатысады деп жоспарланса, Қызылорда облысы бойынша диктантты 120 000 адам жазды.
Диктант қорытындысы бойынша статистикалық мәліметтерді арнайы құрылған жұмыс тобы анықтайды.
