КОЛЛЕДЖ ОҚУШЫЛАРЫ ТУРИСТІК САЯХАТҚА ШЫҚТЫ
«Туған жердің әрбір сайы мен қырқасы, тауы мен өзені тарихтан сыр шертеді. Әрбір жер атауының төркіні туралы талай-талай аңыздар мен әңгімелер бар. Әрбір өлкенің халқына суықта пана, ыстықта сая болған, есімдері ел есінде сақталған біртуар перзенттері бар. Осының бәрін жас ұрпақ біліп өсуге тиіс»Қазақстан Республикасының Президенті Н.Назарбаев
Елбасы Нұрсұлтан Назарбаев «Болашаққа бағдар: Рухани жаңғыру» мақаласындағы «Рухани қазына» кіші бағдарламасы аясында "Қазақстанның киелі жерлерінің географиясы" жобасы жұмыс жасауда. Осы жобаға сәйкес Қызылорда облысы әкімінің орынбасары Руслан Рүстемов Елбасының «Рухани жаңғыру» мақаласынан туындайтын мәселелерді ілгерілету және ұйымдастыруға арналған іс-шараларды ақпараттық сүйемелдеу бойынша құрылған медиа-жоспары құрылған болатын. Осыған орай Қызылорда облыстық тарихи-өлкетану музейі жастардың туған өлкемен танысуына, ондағы тарихи деректерге қанық болуына жағдай жасап келеді.
Бұл жолы мұражайдың «Археология және этнография» бөлімінің қызметкерлері қаладағы С.Ысқақов атындағы Қызылорда құрылыс және бизнес колледжінің оқушыларымен бірлесе отырып, Оқшы Ата, Сығанақ, Сауран, Түркістан қаласы, Әзірет Сұлтан кесенелеріне туристік саяхат ұйымдастырды. Туристік саяхат барысында колледж оқушылары тарихы тереңде жатқан жерлерден ерекше әсер алып, рухани азық алып қайтты.
Сонымен қатар балалар туризімін дамыту мақсатында ұйымдастырылып отырған тарихи-танымдық туристік маршруттың бір бағыты бойынша мұражай қызметкерлері «Өркениет» медициналық колледж студенттерімен Байқоңыр қаласына жолға шықты. Туристік топ қаланың көрікті жерлеріне және «Байқоңыр ғарыш айлағы тарихы музейіне» экскурсиялық тарихи-танымдық саяхат ұйымдастырды. 
