«ӨЗ ЖЕРІҢДІ ТАНЫП БІЛ»
Елбасының 5 қазанда жолдаған Жолдауында «Рухани жаңғыру» бағдарламасын әрі қарай жалғастыру мақсатында «Өз жеріңді танып біл» жаңа бастамасы жайында айтылған болатын. Ел келешегі жастар десек, жастар мен жасөспірімдердің өз туған жерін танып білуіне септігін тигізетін жоба бойынша мектеп туризімін жаңғырту жұмыстары қолға алынды. Осыған байланысты, Қызылорда облыстық тарихи- өлкетану музейінде Қызылорда қаласының қосымша білім беру және оқу-әдістемелік орталығымен бірлесе отырып, «Археология және этнография» ғылыми зерттеу бөлімі «Тарих мұрасына» атты экскурсиялық сабақ өткізді.Жастарға тәлімі көп экскурсиялық сабаққа №212 мектебінің 3-4 сынып оқушылары қатысты. Оқушылар мұражайда қаланың көрікті жерлерімен және түрлі тақырыптағы залдары аралап танысты. Ұйымдастырушылар оларға қаламыздың құрылу тарихын таныстыра отырып, туған жерді құрметтеу, өз Отанының патриоты болу жайында дәріс оқыды.
