Kyzylorda-News.kz

Облыс орталығындағы М.Ықсанов атындағы Қызылорда политехникалық колледжіне Батыс Қазақстан облысынан арнайы делегациясы келді.

  Делегация құрамында Батыс Қазақстан облысы әкімінің орынбасары Ғабидулла Оспанқұлов, еңбек ардагерлері Абат Есенғалиев пен Рахметолла Сүйербаев, Батыс Қазақстан мемлекеттік университет ректорының көмекшісі Қазыбай Бозымов бар.

   Қадірлі қонақтар алдымен оқу ордасының ауласындағы қоғам қайреткері М.Ықсановтың ескерткішіне гүл шоқтарын қойды.

   Қадірлі қонақтарды облыс әкімінің орынбасары Р.Рүстемов, облыс әкімінің апарат басшысы М.Дельмұханов, қала әкімі Н.Нәлібаев күтіп алды.

  Бұған қоса, оқу орнының ардагерлері – Ә.Әбілқасым, Е.Шажанбаев, У.Қамитбеков, Ж.Жүзбенбетов, Т.Бегимов, Г.Сыздықова және Қ.Қобландиев арнайы шараға қатысты.

  Салатанатты шарада колледж директоры Бақыт Кенбаев оқу орны жөнінде, Мұстақым Ықсановтың еліміздің, облыстың экономикасының дамуына сіңірген еңбекі жайлы тарқатып айтты.

   Мұнан соң шараға қатысушылар оқу ғимаратындағы М.Ықсанов атындағы мұрағатты тамашалады. Кездесуде қонақтар колледж ұстаздары мен студенттеріне белгілі мемлекет және қоғам қайраткері  туралы ғибартты әңгімелер айтты.