Kyzylorda-News.kz

Отан қорғаушылар және Ұлы жеңіс күніне орай Қармақшы ауданы Жаңажол, Ақжар және Тұрмағамбет ауылдарында жастар арасында спорттық шаралар өтті. Оны Қармақшы аудандық ішкі саясат бөлімі мен «Қорқыт елі - Қармақшы» жастар қоғамдық бірлестігі ұйымдастырды.

  Жаңажол ауылдық округінде «Салауатты ұлт – салауатты ұрпақ» тақырыбымен өткен жарысқа ауыл жастарынан құралған 5 команда қатысты. Ауыл жастары спорттық ойынға деген шеберліктері мен белсенділіктерін көрсетті. Аталған шараға Ш.Сламхан, А.Жақыпов және «Жастар ресурстық орталығы» КММ-нің Қармақшы аудандық бөлімшесінің маманы А.Жұмахмет төрелік етіп, жеңіспаз командаларды анықтады. Тартысты өткен жарыс нәтижесімен  жүлделі I-орынды «Жастар» командасы, келесі орынды «Аралас» командасы жеңіп алса, III орынды Жаңажол ауылдық мектебінің 11-сынып оқушыларының командасы иеленді.

   Айта кетейік, дәл осындай спорттық шара Ақжар ауылдық округінде өтті. Стол теннисінен өткен жарысқа ауыл жастары белсенділікпен қатысты. Жарыс қорытындысымен I-орынды Ә.Сыдық, II-орынды М.Нұрділда және Д.Мансүрұлы жеңіп алды. Ал, келесі жүлделі орын Б.Жүнісов пен Н.Тұрабайға бұйырды.

  Ал Ақжар аулымен іргелес жатқан Тұрмағамбет ауылында жастар арасында әскери-спорттық сайыс өтті. Шараға қатысқан тұрмағамбеттік жастар өздерінің әскери-спорттық белсенділігін өте жоғарғы деңгейде екендігін көрсетті. Сайыс нәтижесінде Қ.Ғаниқызы I орын, А.Нағыметова мен Т.Темірбеков II орынды жеңіп алды. Ал келесі жүлделі орынға А.Нұрмаханова мен С.Базаров лайық деп танылды.  

  Жеңімпаздар ұйымдастырушылар атынан бағалы сыйлықтар мен дипломдарға ие болды.  Сондай-ақ, жарысқа белсене қатысқан өзге командалар да ұйымдастырушылар атынан бағалы сыйлықтар мен дипломдарға ие болды.  Соңында ауыл жастары мұндай сайыстар алдағы уақытта аудандық деңгейде өтсе деген ұсыныстарын білдірді.