ВОЛЕЙБОЛДАН ҚАЗАҚСТАН ЧЕМПИОНАТЫНЫҢ СОҢҒЫ АЙНАЛЫМЫ
Қызылорда қаласы «Мұз айдыны» спорт кешенінде волейболдан ерлер командалары арасында Қазақстан Республикасының XXVI чемпионатының бесінші айналымы бойынша жоғарғы лига тобы ойындары өтуде. Жарысқа «Жайық» (БҚО), «Динамо-Қостанай» (Қостанай), «Ақтөбе» (Ақтөбе), «Жетісу-Жастар» (Алматы облысы), «Динамо-Қазығұрт» (ОҚО) және «Қайсар» (Қызылорда) командалары қатысуда. Жарыстың бірінші айналымы – Талдықорғанда, екіншісі – Түркістанда, үшінші кезеңі – Оралда, төртінші айналымы - Ақтөбе қаласында өткізілді.
Ел чемпионатында жерлестеріміз 4 кезең ойнап, нәтижесінде 42 ұпаймен жүлделі үшінші орында келе жатыр. Бірінші орында – 48 ұпаймен Ақтөбе, екінші орында - 48 ұпаймен Шымкент қалалары.
Жарыстың алғашқы күнгі нәтижелері төмендегідей:
«Динамо-Қазығұрт » - «Динамо - Қостанай» 3:0
«Ақтөбе» - «Жайық» 3:0
«Қайсар» - «Жетісу-Жастар» 3:1
Чемпионаттың соңғы тур ойындары 28 сәуірде аяқталады. 
