КӘСІПКЕРЛЕРГЕ ҚЫЗМЕТ КӨРСЕТУ ОРТАЛЫҒЫНДА 40-ТАН АСА ҚЫЗМЕТ ТҮРЛЕРІ БАР
![](https://oldkaz.kyzylorda-news.kz/uploads/posts/2018-04/thumbs/1524213031_top-2.jpg)
Аймақ басшысының қолдауымен 2017 жылдың 30 қаңтарында ашылған "Кəсіпкерлерге қызмет көрсету орталығы" КММ 40-тан аса қызмет түрлерін көрсетеді.
Қазіргі таңда орталықтың қызметін «бір терезе қағидаты» бойынша «Көші-қон» қызметінің, «Азаматтарға арналған үкімет» (ХҚКО), «Қазпошта» АҚ қызметкерлері толықтыруда. Атап айтқанда, «Көші-қон» қызметі Байқоңыр инвестициялық форумға келген шетелдік делегаттардың визалық құжаттарын рәсімдеді, яғни инвесторлармен кәсіпкерлерге визалық рәсімдеу жұмыстарына көмек көрсетеді.
Сонымен қатар, облыстың аудандық орталықтарында кәсіпкерлерге қызмет көрсету 2017 жылдың 22 мамырынан бастап жүзеге асырыла бастады. Орталық негізінен кәсіпкерлерге «бір терезе» қағидатымен рұқсат құжаттарын алуға кеңес береді және көмек көрсетеді. Сонымен бірге жергілікті атқарушы органдармен бірлесіп инвесторлар тарту, облыста кәсіпкерлер санын арттыруға және олардың жобаларына қолдау жасап, сүйемелдеуді, өңірлік және мемлекеттік бағдарламалары жөнінде кеңес беруді жүзеге асырады.