Kyzylorda-News.kz

Қармақшы аудандық ішкі саясат бөлімінің мемлекеттік тапсырысы шеңберінде «Қорқыт елі-Қармақшы» жастар қоғамдық  бірлестігінің  ұйымдастыруымен «Жолдаудың сөзі – Жастардың көзімен» атты аудандық шығарма  байқауы өтті. «Жастар үйінде» өткен жарысқа 14 пен 29 жас аралығындағы жастар қатысты. Шығарма жазбаша және электронды түрде қабылданды.

     - Байқаудың мақсаты ҚР Президенті Н.Назарбаевтың  «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына  жолдауын  насихаттау. Қазіргі интернетке телмірген уақытта жастарды шығармашылыққа тартып, пікірталас алаңына тарту оңай емес. Біз осы олқылықтың алдын алғымыз келеді. Қатысушылар бұл байқау арқылы шығармашылық қабілеттерін дамытып, елдің саяси-экономикалық ахуалымен барынша таныс болады деп ойлаймын,-дейді бірлестік төрайымы А.Нұрмағанбетова.

Комиссия  шешімі бойынша өзін әдеби сөз шеберлігін жазбаша түрде  анық жеткізе білгені үшін  І орынды  Аружан Әуесбаева жеңіп алды.  ІІ орын Ақбота Байжанова Ақбота, ІІІ орынды Рауан Қанатқызы иемденді. Жеңімпаздар мен жүлдегерлер Алғыс хаттар мен бағалы сыйлықтарға ие болды.