Kyzylorda-News.kz

«Nurtas Production» киностудиясы сценарий жазатындарға байқау жариялады. Бұл жайлы белгілі актер, режиссер, продюсер Фейсбуктегі парақшасында мәлім етті, деп хабарлайды ҚазАқпарат.
  «Үздік қатысушыға «Nurtas Production» киностудиясында жұмыс беріледі әрі жеңімпаздың сценариі бойынша толық метражды фильм түсіріледі», - дейді Нұртас Адамбай.
  Сценарий жазушылар байқауы бірнеше кезеңнен тұрады. 20 сәуірден 6 мамырға дейінгі 1-турда қатысушылардан өтініш қабылданады. 6 мамырдан кейін өтініштер қабылданбайды.
  Не істеу керек? Мына талаптарға сай келетіндей етіп фильмнің синопсисін (шығарманың қысқаша сипаттамасы - авт) жазу қажет:
1. Фильм идеясын барынша ашуға, сол арқылы комиссия мүшелерінің назарын аударуға ұмтылу;
2. Синопсисті бір А4 форматына сыйғызу (шрифті - Times New Roman, кеглі - 12);
3. Қолтаңба: аты-жөні, жасы, қаласы, байланыс мәліметтері. Байқауға Қазақстанның кез келген қаласынан және ТМД елдерінен кәмелетке толған тұлғалар қатыса алады; 4. Дұрыс жазылған жұмысты (2-тармақ) info.nurtaspro@gmail.com электронды поштасына жіберіп, нәтижесін күту.
   Келесі турға өткен қатысушылардың аты жазылған тізім @nurtasadambay, @nurtasprochannel парақшаларында 2018 жылғы 7 мамырда жарияланады.
 Екінші турдың шарттары нәтижелер жарияланғаннан кейін айтылады.